Роберт Л. Хиллиард Телевизия, радио және жаңа медиаға мәтін жазу.

9-ТАРАУ 368 үлкен өмірлік тәжірибе жинақтай алады. Мысалы, осы тақырыпқа қатысы бар салада сақтандырушы агенті ретінде жұмыс істеу және бағдарламада ұсынылған жаңа тәсілді қолдану, жаңа машинаны құрастыру желісінде жұмыс істеу немесе қоғамдық істерде компания имиджін таныстырушы вице-президенттердің қа- сында жүру сияқты қызмет бойынша тәжірибе жинай алады. Продакшн Сценарийдің соңғы нұсқасы дайын болып, клиент/басшылықтың келісімін алған кезде продакшн жұмыстары басталады. Көптеген басқа медианың жағда- йына қарағанда, корпоративтік медиада автордың жұмысы тек сценарийді аяқ- таумен бітіп қалмайды, оның міндеті сценарий өңделіп, экраннан көрсетіліп, ин- тернетке шыққанға дейін жалғасуы мүмкін. Бағдарламаны алғаш көріп тұрған компания президенті орынбасарларының мақұлдағанына қарамастан, бірқатар өзгерістерді енгізу керектігін айтуы мүмкін. Бағалау Бағалау – бұл бағдарлама өңделіп біткен соң жүргізілетін соңғы қадам. Бағ- дарлама қаншалықты әсерлі шығады? Басшылық діттеген мақсатына қол жеткіз- ді ме? Аудиторияның көңілінен шыға ма? Қаламгер көпшіліктің қалай қабылда- ғанына көз жеткізуі керек, сәйкесінше, келесі бағдарламаны, серияны не болмаса жаңа нұсқасын бұдан гөрі әсерлі ету үшін байырғы сауалнама, сұхбаттасу сияқты дәстүрлі зерттеуді пайдаланады. Ральф де Йонг үкімет және өнеркәсіп тақырыбында марапатқа ие болған бағ- дарламаларды түсіру әрі сценарийін жазу тәжірибесіне сүйеніп, осы процедура- лардың бірқатарын өз бетінше былай қорытады: Индустриалды және корпоративтік фильмдер авторға дәстүрлі баяндау тәсілдері мен амалдарының бір немесе бірнеше комбинациясын іске қосуға мүмкіндік береді. Кәдімгі ойын-сауық шоуымен салыстырғанда, корпоративтік бағдарлама автордан адамдар, процедуралар, процестер, жабдықтар және институционалдық концепциялар мен мақсаттар арасындағы қатынасты жете түсінуін талап етеді. Корпоративтік бағдарламалардың басым көпшілігі қысқа келеді. Олар 10 және 30 минут аралығындағы уақытты қамтиды, орташа ұзақтығы 15 минут. Корпоративтік бағдарлама біреудің меншігі болғандықтан, сценарист клиенттің мақсаты мен міндеттерін нақтылап алсын. Кейін автор дайын күйде ұсынатын өнімнің идеясын қысқа, орынды, сенімді және біртұтас негізде жеткізу үшін осы тақырып бойынша мұқият зерттеу жүргізуі керек. Хронометраж шектеуінен бөлек, көптеген корпоративтік бағдарлама- лардың бюджеті шамалы әрі дедлайн мерзімі ұзаққа жалғасады. Сценарист жобадағы басты тұлға болғандықтан, негізгі форматтардағы продакшн тәсіл- дерін бес саусағындай біліп алсын. Мұндай қабілеті бар сценарист бюджетке сай әрі продакшнды уақытылы аяқтау үшін осы форматтардың түрлі аспек- тілерін қолдана алады, бұған қоса автор бағдарламаның мақсатына – қызық- ты, ақпараттық және ойын-сауық тәсіл арқылы қол жеткізе алады. Кәдімгі ойын-сауық бағдарламасы кең аудиторияға арналатын болса, корпоративтік бағдарламаның дені нақты аудиторияға бағытталады. Бағдарлама қойылған