Роберт Л. Хиллиард Телевизия, радио және жаңа медиаға мәтін жазу.

4-ТАРАУ 162 Facebook -ке арнап жарнама жазғанда, миллиардтаған адамның назарын аударуға болатын пәрменді үгіттеуге қарамастан, нақты көзделген мақсатты демография- лық таргетинг қажеттілігін есте ұстаңыз. Презентацияңызды дәстүрлі теледидар жарнамасы сияқты мұқият ұйымдастырыңыз: мақсатыңызды анықтаңыз, тақы- рыбын, мәтінін жазыңыз, мақсатыңызбен толық үндесетін логотип пен визуалды әсерлерді қосыңыз. Тақырыбыңыз сол аудиторияға бағытталған көптеген басқа тақырыптың арасынан «менмұндалап», мақсатты аудитория назарын аудару үшін жеткілікті түрде мықты болуы керек. Бірақ аудиторияны жалған не әсіре тұжырымдармен алдамаңыз. Мысалы, тест нәтижелері, шын мәнінде, дәл бол- маса, тақырыпты «Екінші типті қант диабетінің жаңа мониторы ашудан қаша- ды» деп жазудың қажеті жоқ. Есіңізде болсын, көңілі толмаған тұтынушы өзіңіз секілді әп-cәтте қаншама клиенттің назарын аудара алады. Мақсатыңызды дәл жеткізетін кез келген логикалық, эмоциялық және/немесе этикалық үндеулерді пайдаланыңыз. Сценарий жазғанда «ұнайды» деген сөзді басты назарда ұстаңыз. Сіз көпшіліктің «ұнатқанын» ғана қаламайсыз, сіз «ұнатуға» мұқтажсыз. Жағым- сыз әсер етуі мүмкін барлық нәрседен аулақ болыңыз. Парақшаңызды не постта- рыңызды кім оқыса да, оған жағымды әсер қалдырыңыз. Жефф Буллас атап өткендей, кешкі сағат 8 бен таңғы сағат 7 аралығында көп- шіліктің назарын аулау бәсекесі бәсеңдеп, басқа уақытқа қарағанда, лайктар ша- мамен 20% көп болады. Сәрсенбі және жексенбі күндері жарияланған пост көбі- рек жауап алады. Посттарыңызды тым жиілетіп жібермеңіз. Күніне бір немесе екі жарияланым үш-төрт постқа қарағанда 32% артық лайк пен 73% артық коммент жинайды. Бір аптада жарияланатын үш-төрт пост бес не одан көп жарияланымға қарағанда 71% көп коммент жинайды. Ұзақ посттан гөрі шағын постқа жауап көбі- рек жазылады. Жауап алудың ең тиімді жолы – оқырманға сауал тастау. Мысалы «маған ұнайтын нәрсе...» деп басталатын бос орынды толтыру сипатындағы пост тоғыз есе көп жауап иеленеді. Сатылым промоушнына қатысты «$ арзан», «купон» терминдері жай «% арзан» және «жаппай сатылым» дегеннен гөрі көбірек қызығу- шылық тудырады. Ең бастысы, бәрі түсінікті, қарапайым жазылуы керек. Тым көп сөз, фотосурет не сілтемелер адамдарды райынан қайтарады. Айтылған кеңестерді оқи отырып, бұл ұсыныстар озық жарнама емес, қара- байыр бойсұну секілді деген ойға қалған боларсыз. Бәлкім, сіздікі де жөн шы- ғар. Бәлкім, өзіңіз қызмет атқаратын компания жағымсыз аспектілерді жасыру- дың орнына көбірек клиент жинау үшін атышулы жарияланыммен атағын жаю үшін тәуекелге баруы мүмкін. 2013 жылы YouTube -тегі Kmart видеожарнамасын- да клиенттер Kmart тегін жеткізу бағдарламасы арқылы «шалбар жіберетінін» мәлімдеген. Бірақ «жіберу» сөзі құлаққа түрпідей тиген. Осыдан соң көптеген әлеуметтік желі пайдаланушылары жарнаманы «дөрекі әрі тұрпайы» деп сынға алды, ал басқа да пайдаланушылар нағыз өткір, орынды әзілдің көрінісі деп қа- былдаған. Жарнама әлеуметтік желіден дәстүрлі медиаға вирус секілді қас қағым сәтте таралып кетті. Керісінше, көп компания қарапайым слоган, сурет немесе музыка үзіндісі бір- ден өнім, немесе қызметті айқындайтын брендинг секілді астарлы әдісті пайда- ланады. Бренд келбеті саналатын дүниелер әлеуметтік медиадан өз орнын тап- ты. Мысал ретінде « Wendy’s »-ке қатысты қызыл шашты Венди Томастың суретін, « Coca-Cola »-ға қатысты Док Пембертонның суретін, «жержаңғақ плантаторлары- на» арналған жержаңғақты Мистер Клин, Тазалау өнімдеріне қатысты күші көп Мистер Клинді атасақ болады. Егер сіз блогер болсаңыз, әлеуметтік желілер, әсіресе Twitter, Facebook, StumbleUpon және Pinterest – блогыңыздың оқырманын көбейтуге таптырмайтын