Роберт Л. Хиллиард Телевизия, радио және жаңа медиаға мәтін жазу.

135 Жарнама мен хабарлама LEVI’S жарнамасы – 30 секунд ӘНШІЛЕР: Түнде де, күндіз де жинсыны тастамаймын, У буп-буп у-боп. У буп-буп у-боп. Бұл – шындық. У буп-буп у-боп. У буп-буп, у-ха у-буп. Саған құйып қойғандай тұру үшін, тек сен үшін жинақы етіп тіккен шебер. Levi’s- тің 501 шалбары. Levi’s -тің түймесі бар, 501 үлгідегі жинсы шалбары, Оның түймесі бар, Осыдан соң алғың келер? У буп-буп у-буп. Драматизация Драматизация, шын мәнінде, 30 немесе 60 секунд ішінде ұсынылған қысқа қойылым. Көптеген коммерциялық сахналар стандартты пьеса формасына сай келеді (10-тарауды қараңыз), бұл иландырудың басты кезеңдерін – экспозиция, шиеленіс, үдемелі әрекет, шарықтау шегі, кейде резолюцияны да бейнелейді. Басқаша айтқанда, драматизация аудитория назары мен қызығушылығын өзіне аударатын, шиеленіс тудырып, бір немесе бірнеше кейіпкердің басына түскен