Байысбаева М.П. Макарон өндірісінің технологиясы

176 14.7 Макарон салынатын ыдыстарды тексеру Дайын макарон салынатын ыдыстарды – қапшықтарды, жәшіктерді, қораптарды, ең алдымен ішін, сыртын қарап тексереді. Онда айырылып кеткен, жыртылған, ақауланған, кӛгерген, шіріген, қойма зиянкестерімен зақымданған және металдың шығып тұрған бӛлшектері болмау керек. Физикалық-химиялық кӛрсеткіштері ретінде олардың ылғалдығын кӛзмӛлшермен бағалайды. Ол үшін бетін сия карандашпен сызады. Егер ол сызық жайылып кетпесе оны кебу деп есептейді. Егер оның ылғалдығын дәлірек анықтау керек болса, онда 10 г-ға жақын жаңқасын кесіп алып, дәлдігі 0,01 г таразыға тартып, оны ұнтақтарынан тазартып, кептіргіш қондырғыға қойып, 95-105°C-та, салмағы тұрақталғанша, яғни ең соңғы екі ӛлшемдерінің арасындағы айырмасы 0,02 г болғанша кептіріп ӛлшеп анықтайды. Оны бірінші рет 6 сағаттан соң, одан кейін әр 2 сағатта бір рет таразыға тартып, есептеп табады. Картонның ылғалдығын Чижовтың аспабында кептіріп табуға болады. Ол үшін 4-5 г-нан екі кесегін кесіп алып, 0,01 г дәлдікте ӛлшеп, екі тақтаның арасына қысып, 160°C-қа дейін 10 минут ішінде қыздырып, ӛлшеп, ылғалының мӛлшерін есептеп табады. 14.8 Шикізаттың жұмсалу нормасын анықтау әдістері Макарон ӛндірісінде шикізаттың – ылғалдылығы 14,5 %-ға шаққандағы ұнның және қоспалардың нормасын ылғалдығы 13 %-дағы 1 тонна макаронға есептеп табады. Олар фабриканың техникалық және технологиялық ерекшеліктеріне, ӛндірісті ұйымдастыру ерекшеліктеріне, шикізаттың сапасына қарай ӛзгеріп тұрады. Жыл сайын 1 тонна макарон жасауға кететін ұнның нормасын, соның ішінде есепке алуға келетін шығынын бекітеді. Олар ұнның типіне, сортына ешқандай қатынасы жоқ. Бірақ мекеменің басқармасы, жылдың (кӛктем, жаз, күз, қыс) маусымдарына қарай оны аздап ӛзгертуге қақысы бар. Онда оның орташа шығыны бекітілген нормадан аспау керек, ал есептеуге